Que facemos?
Proxectos culturais vivos para cidades dinámicas
electrofauna
A conexión entre cultura, natureza e creación contemporánea a través de experiencias abertas e libres. Sen muros nin portas.
Música, territorio, pensamento e participación conviven nun formato que convida a explorar novas formas de relación coa contorna. Miradas creativas en espazos que axudan a canalizar a conexión entre artistas e público.
mercado da estrela
Redescubrindo o valor histórico e patrimonial de Compostela; poñéndoo ao servizo dos creadores, nunha feira de produtos artesanais do S. XXI
Artesanía, deseño, gastronomía, música e cidade danse a man nun proxecto que transforma o Nadal compostelán nun espazo singular, que permite visibilizar e descubir propostas con identidade propia.
O Mercado da Estrela é lugar de encontro para as persoas artesás, creadoras, produtoras e emprendedoras de Galicia
tradfest
Unha celebración da cultura de raíz, mais cunha ollada actual que a mantén viva e a fai medrar
Música, tradición e creación actual conflúen nun proxecto que reivindica o patrimonio inmaterial como experiencia presente.
Un festival que é capaz de conectar xeracións, activar espazos públicos e abrir novas formas de encontro arredor da cultura galega.
noitiNHas
Nas noites primaverais e estivais de Santiago, os xardíns do hotel NH convértense no escenario ideal para unha oferta refrescante de música en directo e gastronomía
Con case unha década de vida, noitiNHas é xa un evento consolidado na escena cultural compostelá.
Concertos, petiscos, ambiente distendido e gusto pola boa música e pola boa comida. Un cóctel pensado para deglutir aos poucos, sen présa.
Trago doce con marcado selo Correvaidille: a conexión entre artistas, públicos e espazos a través de propostas cunha forte identidade.
Correvaidille
Somos unha empresa de xestión e catalización cultural, comunicación creativa, organización de eventos e dinamización artístico-festeira con sede na cidade de Santiago de Compostela.
Deseñamos, producimos e impulsamos proxectos que conectan a cultura coa xente. Experiencias con identidade propia e a fermosa finalidade de activar espazos, públicos e corazóns.
